ഒരു ഫോട്ടോ പോസ്റ്റ്‌ ....

ഇടക്ക് ഓരോ ഭ്രാന്ത് കയറി വരും ....

ഒരിക്കൽ കുങ്ങ്ഫു ആയിരുന്നു...  വീട് മുതൽ കുങ്ങ്ഫു ക്ലാസ്സ്‌ വരെ 5 കിലോമീറ്റർ ഉണ്ട്... പുലർച്ചെ എണീറ്റ് അത്രേം ഓടും..എന്നിട്ട് ക്ലാസ്സ്‌ ... അത് കഴിഞ്ഞു തിരിച്ചു വീട്ടിലേക്ക് ബസ്‌ പിടിക്കും.. പിന്നെ ഫുഡ്‌ കഴിച്ചു കുളിച്ചു കോളേജിലേക്ക്..

പണ്ട് കൂട്ടുകാരോട് ഒക്കെ ഒന്നും രണ്ടും പറഞ്ഞു പിന്നീട് അടിയായിരുന്നു.. അടിക്കുമ്പോ ഒരു പവർ ഒക്കെ വേണ്ടേ എന്നും കരുതിയാ കുങ്ങ്ഫു പഠിക്കാൻ പോയത്... എല്ലാ ദിവസവും ക്ലാസിനു പുറമേ  സാറുടെ വക ഉപദേശം ഉണ്ടാവും.. "Not to Hit, But to Fit." പുറത്ത് അടി ഉണ്ടാകി എന്നറിഞ്ഞാ ക്ലാസ്സീന്നു പറഞ്ഞു വിടും..

 അങ്ങനെ കുറച്ചൊക്കെ  പഠിച്ചു കഴിഞ്ഞപ്പോ അടി കൂടാൻ ഉള്ള മൂഡും പോയി.... കുറചു  കാലം പഠിച്ചു... ചില  ബെൽറ്റുകൾ ഒക്കെ എടുത്തു...  കുറചു പേർക് ക്ലാസ്സ്‌ എടുത്തു...  പിന്നെ അതങ്ങ്  നിർത്തി .. 

അത് കഴിഞ്ഞു ടെക്നിക്കൽ ബ്ലോഗ്‌ തുടങ്ങി... ടെക്ക് സംബന്ധമായ പോസ്റ്റുകൾ ഒക്കെ എഴുതി.. ഗൂഗിൾ ആഡ്‌സെൻസ്‌  ഇനേബിൾ ചെയ്തു അതിൽ വരുന്ന കാശും നോക്കിയിരിക്കും..

പിന്നീട് മലയാളത്തിൽ   എന്തേലും ഒക്കെ എഴുതിത്തുടങ്ങി .. കുറെ എഴുതി കുറെ ആളുകളുടെ ശ്രദ്ധ കിട്ടി വന്നപ്പോ അതും  ഫുൾ സ്റ്റോപ്പ്‌ ഇട്ട പോലെ നിർത്തി .... ഇപ്പൊ ഫോട്ടോഗ്രഫി ആണ്....

എപ്പോ നോക്കിയാലും ഫോട്ടോ എടുപ്പ്.... കാണുന്നതിൽ എല്ലാത്തിലും  ഫോട്ടോഗ്രഫിയുടെ സാധ്യത തേടുന്ന പണിയാണ്... എവിടേലും ഫോട്ടോഗ്രഫി ക്യാമ്പ്‌  ഉണ്ടേൽ പങ്കെടുക്കും... നട്ട പാതിരാ വരെ ക്യാമറയും പിടിച്ചു അതിന്റെ പ്രവർത്തനവും നോക്കി ഉറക്കൊഴിക്കും... ഫോട്ടോ എടുക്കാൻ വേണ്ടി മാത്രം ജോലി സമയത്തിൽ മാറ്റങ്ങൾ വരുത്തും... ഇതൊക്കെയാണ് ഇപ്പോഴത്തെ പരിപാടി..

ഇത്രേം പറഞ്ഞ സ്ഥിതിക്ക് ഞാൻ എടുത്ത കുറച്ച് ഫോട്ടോകൾ ഇവിടെ പോസ്റ്റ്‌ ചെയ്യുന്നു :) :P  അഭിപ്രായങ്ങൾ അറിയിച്ചാൽ ബഹുത് ഇഷ്ടാവും..

 ഒരിക്കൽ ഒരു മഴകാലത്ത് ചെരുപ്പടി മലയിൽ പോകും വഴി മൊബൈൽ ക്യാമറയിൽ പകർത്തിയത്

മൊബൈൽ ക്യാമറയിൽ ഒരു മാക്രോ പരീക്ഷണം

മുഫിയുടെ കൂടെ ആദ്യമായി ബീച്ചിൽ പോയപ്പോ എടുത്ത ഫോട്ടോ... "നിങ്ങൾക്ക് എന്നെ ശ്രദ്ധിക്കാൻ നേരം ഇല്ല , ഏതു നേരം നോക്കിയാലും ഫോട്ടോ എടുക്കാനെ നേരം ഉള്ളു" എന്നു പരിഭവം പറച്ചിൽ ആയിരുന്നു അന്നു മുഴുവൻ..  പക്ഷെ  പിന്നീട്  വിവാഹവാര്‍ഷികത്തിനു അവൾ എനിക്ക് ഈ ഫോട്ടോ ഫ്രെയിം ചെയ്തു തന്നു... അങ്ങനെ എന്റെ ഫോട്ടോ ആദ്യമായി ഫ്രെയിം രൂപത്തിൽ റൂമിലെ ചുമരിൽ തൂങ്ങി :)

നിലമ്പൂർ തേക്ക് മ്യൂസിയത്തിൽ നിന്നും എടുത്തത്‌... ഒരിക്കൽ മുഫിയുടെ  കൂടെ പോയപ്പോ പകർത്തിയത് ..

കൊണ്ടോട്ടി ഖുബ്ബ ഒരീസം രാത്രി പോയി എടുത്തത്‌...

ഒരു പുലർകാല ചിത്രം..

മീഡിയവൺ ഹെഡ് ഓഫിസ് ... ഒരു മൊബൈൽ ക്ലിക്ക്..

കോഴിക്കോട് ബീച്ചിൽ നിന്നും ഒരു മൊബൈൽ ക്ലിക്ക്...

കാടും മലയും നെൽപാടങ്ങളും  പിന്നിട്ടു ദൂരെ ദൂരേയ്ക്ക്.... കേരളത്തിനും തമിഴ്നാടിനും ഇടയിൽ എവിടെയോ.... ഓടികൊണ്ടിരിക്കുന്ന ഒരു ട്രെയിനിൽ നിന്നും പകർത്തിയത് ...

മലകൾകും കുന്നുകൾകും ഇടയിൽ മനോഹരമായ ഒരു ഫുട്ബോൾ മൈതാനം ..
ഒരു ട്രെയിൻ യാത്രക്കിടെ മൊബൈലിൽ പകർത്തിയത് .. (ഓടികൊണ്ടിരിക്കെ)

മലപ്പുറം വലിയ മഖാം .. ഒരു അസ്തമ സൂര്യന്റെ വെളിച്ചത്തിൽ ..

എന്നും ആ പാലത്തിന്മേൽ കൂടെ പോവുമ്പോൾ ഇങ്ങനെ ഫോട്ടോ എടുത്താൽ നന്നാവും എന്ന് മനസ്സിൽ തോന്നാറുണ്ട്.. ഒരിക്കൽ  അവിടെ ഇറങ്ങി ഏതോ സ്വകാര്യ വെക്തിയുടെ പറമ്പിലൂടെ മുൾവേലി ഒക്കെ ചാടി കടന്നു പോയി എടുത്ത ഫോട്ടോയാണ് :P
ചോദിക്കാൻ വന്നപ്പോ എടുത്ത ഫോട്ടോ കാണിച്ചു കൊടുത്തു.. അതോണ്ടാണ് എന്ന് തോന്നുന്നു ഓടിച്ചു വിട്ടില്ല.. ഭാഗ്യം...
മൊബൈൽ ക്ലിക്ക് ..

മലമുകളിലെ കൊട്ടാരം..കടവ് റിസോർട്ട് .. ഒരു മൊബൈൽ ക്ലിക്ക്

ഇവിടെ ഒരു ഹൌസ് ബോട്ട് കൂടി ഉണ്ടായിരുന്നു... വണ്ടി ഒക്കെ ഒതുക്കി വെച്ച് വന്നു നോക്കുമ്പൊ കാണാനില്ല..  അതിനൊക്കെ ഇത്രേം സ്പീഡോ!! :'(

കോഴിക്കോട് കടൽ തീരത്ത് നിന്നും ഒരു സുവർണ്ണ സന്ധ്യാ ചിത്രം..

കോഴിക്കോട് ബീച്ചിൽ നിന്നും... നട്ടുച്ച മുതൽ നേരം ഇരുട്ടുന്നതു വരെ ഈ വണ്ടി ഉന്തിയും തള്ളിയും നടക്കുന്നുണ്ടായിരുന്നു ഇവർ..

കോഴിക്കോട് ബീച്ച്.. മൊബൈൽ ക്ലിക്ക്...

ഭൂമിയിൽ ഒരു സ്വര്‍ഗ്ഗം ഉണ്ടെങ്കിൽ അത് ഇവിടെയാണ്.. ഇവിടെയാണ്‌.... ഇവിടെ തന്നെയാണ്..!! അല്ലെ. !!

രാത്രിമഴയിൽ ബാക്കി വെച്ചത്.

ഒരു പുലർകാല കാഴ്ച... മൊബൈൽ ക്ലിക്ക്..

ലവ്‌ റിംഗ് .... ഒരു മൊബൈൽ പരീക്ഷണം.